منتديات العليمى للثقافة


تهدف المنتديات إلى احياء الثقافة العامة لانشاء جيل واعى مدرك لاهمية العلم والمعرفة
 
الرئيسيةمرحبا بكم أعضاءاليوميةالأحداثمكتبة الصورAlolemy2018الأعضاءالمجموعاتالتسجيلدخول
يؤكد المنتدى بمجلس ادارته وأعضائه وزواره على أن القدس بشقيها عاصمة فلسطين وليس الصهاينة أى حق فيها

شاطر | 
 

 6 يناير 2018

اذهب الى الأسفل 
كاتب الموضوعرسالة
Admin
Admin


المساهمات : 640
تاريخ التسجيل : 26/04/2017
العمر : 30
الموقع : محافظة الشرقىة جمهورية مصر العربية

مُساهمةموضوع: 6 يناير 2018   السبت يناير 06, 2018 11:04 am

احداث اليوم : 6 الشهر : January , كانون الثاني

1066 - تتويج هارولد جودوينسون ليصبح ملكاً لإنجلترا.

1784 - الدولة العثمانية والإمبراطورية الروسية توقعان اتفاقية سلام عرفت باسم "اتفاقية القسطنطينية"، وهي الاتفاقية التي أنهت الحرب الروسية العثمانية.

1921 -تأسيس الجيش العراقي.

1988 -الانتهاء من وضع الحدود بين مصر وإسرائيل حتى العلامة رقم 91 بمنطقة طابا

1838 - نجاح تجربة صمويل مورس الخاصة بالتلغراف الكهربائي ولأول مرة .

1984- الاعلان عن تطوير طب العيون والوصول الى العدسات اللاصقة لمرضى العيون فى الولايات المتحدة الامريكية
تعليق المنتدى على الاحداث
معاهدة السلام المصريه الاسرائيليه - Egypt–Israel Peace Treaty ، بالعبرى : הסכם השלום בין ישראל למצרים ( هيكسيم هاشالوم بين يسرايل لوميتزراييم ) - ، هى معاهدة سلام مضتها مصر و اسرائيل برعاية و شهادة الولايات المتحده الامريكيه فى البيت الابيض فى واشنطن دى سى فى 26 مارس 1979 بعد اتفاقية كامب ديفيد سنة 1978. معاهدة السلام المصريه الاسرائيليه ماهياش اتفاقية كامب ديفيد، اتفاقية كامب ديفيد كانت عن إطار بيحدد المبادئ العامه و الرئيسيه اللى هتحكم معاهدات السلام بعد كده.

مصر و اسرائيل خاضوا ضد بعض اربع حروب هما حرب 48 و حرب 56 و حرب 67 اللى انتهت بتدمير الجيش المصرى و استيلاء اسرائيل على سينا و كانت اخر الحروب حرب 73. الحروب دى كلفت البلدين خساير اقتصاديه و بشريه كبيره و خاصة مصر اللى فقدت الالاف من شبابها و اللى اتدمر جيشها و قواتها الجويه فى حرب 67 و ضاعت منها سينا و اتقفلت قناة السويس اللى دخلها بيمثل نسبه مهمه من دخل مصر القومى و كانت كارثه ضخمه بكل المقاييس بسبب حسابات سياسيه و عسكريه غلط عملها النظام اللى كان حاكم مصر وقتها بقيادة جمال عبد الناصر. و بعد حرب 67 قامت حرب الاستنزاف و اتبادلت مصر و اسرائيل الهجمات و كانت الخساير فادحه على الطرفين لغاية ما اتعقدت معاهدة روجر و اتوقفت حرب الاستنزاف. فى 6 اكتوبر 1973 عدى الجيش المصرى قناة السويس و سيطر على شطها الشرقى بعمق 15 كم لكن ما قدرش يحرر سينا بالكامل و كان على مصر انها ياإما تستكمل القتال فى ظروف دوليه صعبه و بتكاليف اقتصاديه و خساير بشريه ضخمه مع امكانية الهزيمه او تسترجع سينا و تفتح قناة السويس بطرق سلميه من غير تضحيات بشريه و اقتصاديه و مغامرات مش مضمونه. إكمن ما كانش فيه مشكله مابين مصر و اسرائيل غير ان اسرائيل بتحتل سينا اللى حطت فيها مستعمرات شاف الرئيس أنور السادات إن الموضوع ممكن يتحل بالطرق السلميه بوساطة امريكا فبدئت اتصالات و محادثات انتهت بإتفاقية كامب ديفيد سنة 1978 اللى وصلت لإتفاقية سلام ما بين مصر و اسرائيل اللى على اساسها انسحبت اسرائيل من سينا و شالت مستعمراتها و استلمت مصر سينا بالكامل ما عادا منطقة طابا اللى استردتها مصر بعد كده عن طريق متحضر هو التحكيم الدولى من غير حرب و دمار. بعد اغتيال الرئيس السادات سنة 1981 عن طريق جماعه اسلاميه متطرفه استلم نايبه حسنى مبارك الحكم و قدر انه يواصل عملية السلام مع اسرائيل اللى كانت لسه ماانسحبتش من سينا وقت اغتيال الرئيس السادات و خافت ان اغتيال السادات يسبب مشاكل لكن حسنى مبارك قدر يسيطر على الموقف و يتوصل لموافقة اسرائيل على تنفيذ الاتفاقيه فانسحبت و رفع حسنى مبارك علم مصر فوق سينا.

قامت بين مصر و اسرائيل علاقات دبلوماسيه و اتبادل البلدين السفرا و اتفتحت قناة السويس و بقى من حق السفن الاسرائيليه التعديه فيها زى سفن البلاد التانيه زى ما الاتفاقيه الدوليه للملاحه فى قناة السويس مابتنص ، و اتشكلت قوه لحفظ السلام بتتكون من قوة مراقبه دوليه متعدده الجنسيات على الخط الحدودى ما بين البلدين مهمتها مراقبة التزام الجانبين ببنود المعاهده. الاتحاد السوفيتى اكمنه لحساباته و مصالحه الخاصه ماكانش موافق على ان مصر تسترد ارضها عن طريق السلام كان عمل فيتو فى مجلس الامن التابع للامم المتحده على اقتراح تشكيل قوة مراقبه دوليه تابعه للأمم المتحده.

اتفاقية السلام المصريه الاسرائيليه وفرت على مصر و اسرائيل خساير بشريه و اقتصاديه هايله و بقت فرصه لقيام نهضه فى منطقة الشرق الاوسط لكن بلاد عربيه ما وافقتش و اتدخلت بعنف و قوه فى شئون مصر و كونت جبهة رفض سمتها " جبهة الصمود و التصدى "و حاولت محاصرة مصر اقتصاديا و سياسياً و ثقافياً لكن فشلت بعد ما اضطرت ترجع علاقتها بمصر بعد صدام حسين رئيس العراق ما هاجم الكويت و احتلها.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www-alolemy-com.yoo7.com
 
6 يناير 2018
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العليمى للثقافة :: أهلا بكم :: حدث في مثل هذا اليوم-
انتقل الى: